Trátase dunha obra moi interesante, non só polo formato, senón polo xogo cos puntos de vista que a autora aporta ao crear as historias de distintas familias con mentalidades moi distintas. Trata sobre a vida en África e as diferenzas entre as novas e as vellas xeracións, o conflito entre costumes. Aínda que se desenvolve nos anos 70 do século XX, resulta moi actual, e conta cousas que pasan non só en África senón en todas partes.
Os personaxes pasan por diferentes situacións, fáciles ou difíciles, que intentan resolver como poden, porque non poden pedir consello aos seus familiares, quizais a algún amigo...pero acaban tomando decisións totalmente sós.
Debo dicir que me gustou tanto que até que rematei case non parei de lelo.
Juan Pardo Lage. 1ª Bacharelato Adultos.
Ningún comentario:
Publicar un comentario