Un libro cada semana...ou cada mes..."Os crimes do monograma"

 

Londres, año 1929. Hércules Poirot está ceando no café Pleasant cando unha muller irrompe no local e confíalle que alguén está a punto de matala. Rógalle que o investigue, pois dí que coa súa morte farase xustiza.

Unas horas máis tarde, tres persoas son asasinadas nun elegante hotel da cidade e Poirot non é capaz de deixar pasar o caso, pero, mentres el se esforza por ordenar todas as pezas, o asasino prepárase para volver a matar.

Un libro que volve  dar vida ao mítico detective creado por unha das mellores escritoras de novela negra de todos os tempos.

                      Pablo Miñambres López Perea, 2º Bacharelato Adultos.

Día da Paz e a no violencia

Un filme cada semana...ou cada mes..."Bee movie".

 Barry, unha abella que non se sente parte da colmea, consegue saír desta para ver o mundo polo menos unha vez. pero dáse conta de que os humanos tratan as abellas como se fosen escravos e decide demandar á humanidade pedindo que devolvan o mel...

A película reflicte  a importancia das abellas,  humanízaas e mostra como debemos coidalas se non queremos ter graves problemas...Esa mensaxe chéganos por medio do humor e unha moi boa animación...Ademais desta mensaxe ecoloxista (fálanos da importancia dos animais na natureza e de como nos apreveitamos da súa función),  chama a atención como o protagonista, a abella Barry, persegue o seu soño de traballar no que quere e non no que os demais queren para ela; dá a entender que non hai que conformarse e que todo, absolutamente todo, é posible

Trátase dunha película lixeira, cunha mensaxe clara para o público infantil e algúns gags de humor máis dirixidos a un público adulto.

                                                   Alumnado ESA 3, Adultos.

Unha serie cada semana...ou cada mes..."The Umbrella Academy"

    A Academia Umbrella segue aos membros  separados dunha familia disfuncional de superheroes, nacidos en estrañas circunstancias, chamada The Umbrella Academy. Todos os superheroes empezan a traballar xuntos para resolver a misteriosa morte do seu pai, mentres se enfrontan a moitas dificultades debido ás súas personalidades e habilidades diverxentes. Ademais, deben enfrontarse á ameaza da Apocalipse. 

      É unha serie sobre persoas con superpoderes fóra do típico que sempre se ve; ten un estilo algo máis escuro sen ser monótono. Presenta a unha familia de superpoderes como inadaptados para tratar o trauma da súa infancia. Contén humor sarcástico e cru.

Doulle un oito.

                                                                             Pávila Juliane de Oliveira, ESA 3, Adultos.

Un filme cada semana...ou cada mes..."Ocean`s 8"

É un spin-off da triloxía de Ocean’s eleven, esta vez encabezada por mulleres. A película trata de Debbie Ocean, irmá do famsoso estafador Danni Ocean, que sae do cárcere cun plan baixo o brazo. Cando chega a New York, ela e súa socia son capaces de formar un grupo de oito mulleres en total para roubar unha xoia da emblemática empresa Cartier, valorada en mais de cen millóns de dólares durante o transcurso da gala do MET.

Esta película gustoume moito porque é totalmente distinta ás outras por estar protagonizada por mulleres e porque o cine norteamericano non ten que estar sempre  protagonizado só por homes para ter éxito en taquilla.

                                                                         Pablo Miñambres, 2º Bacharelato Adultos.