É unha película baseada na historia real de Chris Gardner, protagonizada por Will Smith e o seu fillo Jaden. Relátanos a historia dun pai de familia que loita por sobrevivir. Pese aos seus intentos de manter a familia, non logra soportar a presión económica e decide marchar co seu fillo. Consegue un traballo, que perde, e pai e fillo quedan no máis completo abandono....Pero a fortaleza de Chris supera calquera obstáculo...
Esta película déixanos unha grande ensinanza de vida, e móstranos a un pai con grandes sentimentos, cun carácter moi marcado, quen, pese a pasar por situacións duras, que o levan a desesperarse, mantén na cabeza unha meta por alcanzar...e faino grazas á súa seguridade, autoestima, autocontrol e perseveranza. En definitiva, creo que esta película nos fai valorar as cousas moito máis e con ela aprendemos grandes leccións de vida.
Aarón Lorenzo Fraga, 1º Bacharelato Adultos.
Ningún comentario:
Publicar un comentario