UN LIBRO CADA SEMANA

UN LIBRO CADA SEMANA
SEMANA DO 30 DE MARZO AO 3 DE ABRIL

Kafka e a boneca viaxeira, de Jordi Sierra I Fabra. Ilustradora: Minia Regos. Tradución: Carmen Torres París. Editorial Galaxia.

Resumo da obra:

 Kafka era un escritor aínda sen descubrir que camiñaba enfermo polo parque de Steglitz. Nun día fermoso e silencioso onde se respiraba ledicia, unha pequena nena rompeu con aquel silencio cos seus prantos. Era unha nena pulcramente vestida e cunhas primorosas trenzas, aquela nena choraba con toda a tristeza coa que pode chorar unha nena. Kafka o primeiro que pensou foi que aquela meniña perdera a súa nai, pero tendo en conta que non a coñecía e que non sabía tratar con nenos dubidou en achegarse, ata que uns segundos máis tarde decidiu achegarse. A nena non perdera a súa nai, nin caera nin se pelexara, senón que perdera a súa moneca (Bríxida). Kafka, ao ver que non podía facer nada por atopar a boneca, decidiu inventar unha historia, unha historia chea de imaxinación, chea de ledicia de vivir e sobre todo, chea de inocencia infantil. Kafka decidiu facer o traballo dun carteiro de bonecas. Que é un carteiro de bonecas? Pois un carteiro de bonecas é unha persoa á quen as bonecas mandan cartas para que as reciban as súas donas. Pero toda esta idea do Sr. Carteiro de bonecas causará tres semanas de traballo por parte de Kafka escribindo cartas de Bríxida en distintos países, como Francia, España, Italia... e tamén causará tres semanas de amizade entre Elsi e o Carteiro de bonecas, que rematará co namoramento e casamento de Bríxida cun explorador chamado “Gustav” en Tanzania.

Comentario:

Pareceume un libro cheo de ledicia e inocencia infantil, que che leva a pensar en que todos os nenos deste mundo queren crer que necesitan crer, e que todos os nenos deberían ter un carteiro de bonecas que cada día lle alegrasen o día para que todos os días fosen o mellor da vida dun neno, nun mundo onde os sorrisos se perden por enfados entre xentes que eles nin sequera coñecen.

Estudo do léxico:

Prestancia: excelencia, calidade.

Chunchar: espremer.

Languidez: abatimento, debilidade.

Limiar: entrada, soleira.

Chapeu: sombreiro.

Atribulado: aflixido.

Baluarte: protección, defensa.

                                                               Ana Mª Orosa Bermúdez, 1º da ESO.