martes, 6 de agosto de 2019

Un filme cada semana...ou cada mes... "O gran showman"



  Esta  marabillosa película musical, na que podemos desfrutar das actuacións de Hugh Jackman, Zac Efron, Zendaya e Michelle Williams entre outros, cóntanos a historia de P.T. Barnum, un home de negocios que, un bo día, decide crear un circo novo en América, onde actúa xente con moito talento, mais fóra do común, como por exemplo unha muller barbuda, un home con ananismo ou uns irmáns siameses (a acción ocorre no século XIX). Para acadar o éxito, P.T terá que enfrontarse a varios obstáculos.
  Amósasenos como a sociedade rexeita o diferente;  aínda que a película está baseada na auténtica historia de Phineas Taylor Barnum, non é  moi fiel á realidade; con todo, a obra é sublime, os números musicais son impresionantes e a historia, emocionante.
  Por poñerlle un pero, creo que a película debería centrarse máis na historia e un pouco menos na música, pero isto non a fai menos interesante.
  Non poderedes separar a vista da pantalla nin un minuto.
 Unha película moi entretida que recomendo totalmente para ver esta fin de semana.
 
                                         Azahara Argibay Gallego, 1º Bacharelato Adultos.

Ningún comentario:

Publicar un comentario