sábado, 15 de decembro de 2018

Un filme, baseado nun libro, cada semana...ou cada mes..."Os miserables"




  O filme está baseado na obra mestra de Víctor Hugo. Conta a historia de Jean Valjean, un pobre home que por roubar un anaco de pan é condenado a 19 anos de prisión. Valjean convírtese nun prófugo. A gratitude, amabilidade e bondade que recibe dun bispo, aínda despois de terlle roubado, cambiará a súa vida; pasados os anos, Valjean chegará a ser empresario e alcalde, un home moi respectado. Pero o azar fará que se reencontre con Javert, o seu inimigo, que o perseguirá até chegar a Paris, onde se volverán ver fronte a fronte.
   A película está ambientada nunha Francia onde a fame, as enfermidades e as inxustizas sempre as padecían os máis pobres e os nenos.Jean Valjean era un deses pobres, que tivo a sorte de encontrarse con alguén que cría no ser humano e creu nel sen coñecelo de nada. Iso fixo que el cambiase a súa actitude cara ao seu grande inimigo, ese que durante anos o estivo castigando e torturando no cárcere. 
  Esa lección que lle deu o bispo a Valjean fixo que el tamén lle dese unha lección ao policía Javert: o perdón; ese perdón co que o policía non puido vivir.
  É unha película dura ao principio, pero que "engancha", resalta a condición humana, o odio, a vinganza, o amor e o perdón. Gustoume.
                                                                       Esperanza Centeno. 3º  ESA.


martes, 11 de decembro de 2018

Gañadores do I Concurso de microrrelatos de terror



I Concurso de 
Microrrelatos de Terror 

Os gañadores 

Yare Brea Espinosa de 1º ESO
Aicha González del Valle de 3º ESO
Uxía Reboredo Rodríguez de 1º de Bacharelato



 recibiron un vale de 25 euros cada un, canxeable por libros.

Velaquí os relatos.


Las doce en punto
Te despiertas gruñendo por tener que ir al instituto; sin embargo, ha debido de ser la costumbre puesto que no ha sonado el despertador. Te levantas confuso, con un ojo dolorido, apenas hay luz. Quieres encender la lámpara y no la encuentras. Es extraño. En la oscuridad divisas una rendija de claridad; llegas a lo que parece una biblioteca desconocida. Coges un libro, salen enormes polillas volando y querrías gritar pero no puedes. Reparas en una chimenea: no es fuego de verdad, es una pegatina. Desconcertado, corres al pasillo. Una escalofriante silueta te paraliza: un reloj de pared, que marca las doce en punto, tictac tictac, pero las agujas no son reales, alguien las ha pintado. Oyes unas risas que se acercan, como niñitas canturreando "¿Vienes a jugar?” y la puerta se abre de golpe. Pero no, no son niñas: su cara es de porcelana sucia, su pelo, lana a medio coser. De repente lo entiendes: el libro de madera, el falso fuego, las agujas del reloj…¡Estás en una casa de muñecas, atrapado! Buscas un espejo: tú también eres un viejo muñeco, con un ojo a medio coser. Suenan las doce. Serán las doce en punto para siempre. “¿Vienes a jugar?”
 Yare Brea Espinosa, 1ºC-ESO

 
Como dos gotas de sangre


El chico avanzaba dentro del agua, tanteando con los pies la arena de la playa. Levantaba en alto los brazos para que no rozaran el agua. En uno de ellos había una profunda cicatriz. Se la había hecho dos días después de que encontraran en los baños del instituto el cuerpo de su gemelo. Se había suicidado. Como en trance, después de asumirlo, lo había intentado también, pero después del primer corte no había podido seguir. Lo habían llevado al psiquiatra, y ahora todas las noches las pesadillas sobre cuchillas y reproches lo acosaban. El agua le llegó a las axilas, y con un escalofrío sumergió los brazos. ¿Cómo no había podido prever lo que su hermano iba a hacer?¿Por qué no se lo había contado?¿Por qué no podía él? Dejó de hacer pie. El agua distorsionaba sus brazos, multiplicando la cicatriz. Algo tiró de sus piernas, ahogándolo, y bajo el agua, antes de perder la consciencia, solo vio su reflejo.

Aicha González del Valle, 3ºA


 
Sube los escalones con calma, con la tranquilidad del vencedor. Mientras, el pueblo duerme, arropado por una bandera bicolor, como el niño que cree estar protegido de los monstruos al cubrirse con una sábana. Aquel que no duerme, llora asustado, porque sabe que hoy la pesadilla se convierte en realidad. Llega al estrado, coloca los micros que están en él, mira al frente y sonríe. Santiago Abascal es ahora Presidente del Gobierno.

Uxía Reboredo Rodríguez, 1º BAC-D

Parabéns aos tres!





xoves, 6 de decembro de 2018

Un filme cada semana...ou cada mes..."Django desencadeado"

 
 
 
 Esta película,  do ano 2012, cóntanos unha interesante historia. Na Texas do século XIX, Django, un escravo negro, é vendido ao dentista e cazarrecompensas alemán King Schultz. O que Django non espera é que o señor Schultz lle ensine o oficio de cazarrecompensas, o adestre e lle ofreza a liberdade a cambio de axudalo no seu traballo. Django e Schultz  traban unha grande amizade e o alemán ofrécelle a Django ir na procura da súa muller, Broomhilda...
  Marabillosa obra de Tarantino, na que gozamos das grandes actuacións de Jamie Foxx, Christoph Waltz, Kerry Washington e Leonardo di Caprio, entre outros.
  Moi entretida, con momentos moi dramáticos entrelazados con outros bastante cómicos e xiros sorprendentes. Merece a pena vela, non vos arrepentiredes!
 
                                                 Azahara Argibay Gallego, 1º Bacharelato Adultos.
 

sábado, 24 de novembro de 2018

Un libro cada semana...ou cada mes..."Percival e outras historias"



 Gústache o misterio, o diferente, o surrealista...este é o teu libro. Tes prexuízos ou, simplemente, es clásico, non che gusta explorar novos mundos... este libro non é para ti.
   Se tivese que resumir este libro nunha palabra, sería "surrealista"; compararíao cun chiste: de súpeto, estás falando con alguén, e sáltache un chiste; non o esperabas, pero gústache...é o mesmo sentimento que tes ao ler este libro.
  O que me gusta especialmente é que está formado por pequenas historias, cada unha  diferente, algunhas faranche rir, e non miro a ninguén...Cando leas o libro, entenderalo;  sobre todo, entenderás a Kelma...con certas historias sentirás tenrura, con outras, comprensión, outras non che deixarán palabras para definilas....
  É, sobre todo, un libro para xente atrevida, que no teña medo a experimentar con distintos sentimentos dentro dun mesmo libro.
 
                                                    Juan Pardo Lage 1º Bacharelato Adultos.

luns, 12 de novembro de 2018

Microrrelatos "Labazadas de Medo"

Reunido o equipo da Biblioteca, acordouse declarar gañadores os seguintes relatos no concurso de microrrelatos "Labazadas de Medo" (Curso 2018-2019)

- Categoría Bacharelato

Sube los escalones con calma, con la tranquilidad del vencedor. Mientras, el pueblo duerme, arropado por una bandera bicolor, como un niño que cree estar protegido de los monstruos al cubrirse con una sábana. Aquel que no duerme, llora asustado, porque sabe que hoy la pesadilla se convierte en realidad. Llega al estrado, coloca los micros que están en él, mira de frente y sonríe. Santiago Abascal es ahora Presidente del Gobierno.

Uxía Reboredo Rodríguez , 1ºBac-D

Resultado de imaxes para escalones

   












-Categoría 3º-4º ESO:

Como Dos Gotas De Sangre
El chico avanzaba dentro del agua, tanteando con los pies la arena de la playa. Levantaba en alto los brazos para que no rozaran el agua. En uno de ellos había una profunda cicatriz. Se la había hecho dos días después de que encontraran en los baños del instituto el cuerpo de su gemelo. Se había suicidado. Como en trance, después de asumirlo, lo había intentado también, pero después del primer corte no había podido seguir. Lo habían llevado al psiquiatra, y ahora todas las noches las pesadillas sobre cuchillas y reproches lo acosaban. El agua le llegó a las axilas, y con un escalofrío sumergió los brazos. ¿Cómo no había podido prever lo que su hermano iba a hacer?¿Por qué no se lo había contado?¿Por qué no podía él? Dejó de hacer pie. El agua distorsionaba sus brazos, multiplicando la cicatriz. Algo tiró de sus piernas, ahogándolo, y bajo el agua, antes de perder la consciencia, solo vio su reflejo.
Aicha González del Valle, 3ºA-ESO
Resultado de imaxes para dos gotas de sangre
-Categoría 1º-2º ESO:
 
Las doce en punto
Te despiertas gruñendo por tener que ir al instituto; sin embargo, ha debido de ser la costumbre puesto que no ha sonado el despertador. Te levanas confuso, con un ojo dolorido, apenas hay luz. Quieres encender la lámpara y no la encuentras. Es extraño. En la oscuridad divisas una rendija de claridad;: llegas a lo que parece una biblioteca desconocida. Coges un libro, salen enormes polillas volando y querrías gritar pero no puedes. Reparas en una chimenea: no es fuego de verdad, es una pegatina. Desconcertado, corres al pasillo. Una escalofriante silueta te paraliza: un reloj de pared, que marca las doce en punto, tictac, tictac, pero las agujas no son reales, alguien las ha pintado. Oyes unas risas que se acercan, como niñas canturreando [Vienes a jugar?] y la puerta se abre de golpe. Pero no, no son niñas: su cara es de porcelana sucia, su pelo, lana a medio coser. De repente lo entiendes: el libro de madera, el falso fuego, las agujas del reloj…¡Estás en una casa de muñecas, atrapado! Buscas un espejo: tú también eres un viejo muñeco, con un ojo a medio coser. Suenan las doce. Serán las doce en punto para siempre. [Vienes a jugar?]
Yare Brea Espinosa 1º C-ESO
Resultado de imaxes para las doce en punto

martes, 6 de novembro de 2018

22 de outubro Día Internacional das Bibliotecas

Poéticas Diversas na Biblioteca Escolar

"A poesía, din é a memoria do mundo" 



Celebramos o día das bibliotecas  coa poesía. Unha invitación a sentir a poesía como algo 
imprescindible e necesario para entender a vida e o mundo.




 


xoves, 1 de novembro de 2018

Un filme cada semana...ou cada mes..."A vida é bela"

 
   Unha familia italiana é capturada polos nazis. O pai,  xudeu, e o seu fillo son separados da nai, camiño dun campo de concentración. O pai fai crer ao neno que é todo un xogo mentres viaxan nos vagóns do tren: ten que esconderse para gañar máis puntos...
   Gustoume a película, especialmente por estar baseada en feitos reais. Premiada con varios Óscar e rodada hai bastantes anos, consérvase bastante ben. A banda sonora é magnífica e os protagonistas resultan moi simpáticos. Resulta moi tráxica a morte do pai , aínda que co seu maior soño cumprido: que o neno sobreviva e termine nos brazos de súa nai. Un final precioso, no que o home será sempre lembrado pola súa familia...
 Non me gustou o trato aos xudeus, nin a dureza á que eran sometidos nos campos de concentración...a película lembroume os tristes anos en que Hitler gobernaba Alemaña e todas as persoas que faleceron neses horribles campos.
  É una película que recomendaría insistentemente, por todos os sentimentos que pode chegar a transmitir ao ver esa familia que remata unida nun abrazo e no recordo. 
                                                                 Raquel Rial. 3º ESA.
 

luns, 1 de outubro de 2018

Un libro cada semana...ou cada mes..."Crónicas marcianas" de Ray Bradbury


  Recuperamos, neste curso dedicado a viaxes e descubrimentos, unha das primeiras obras comentadas nesta sección do blogue da biblioteca.  Trátase dun clásico da narrativa do século XX, clasificable  como ciencia ficción, que se publicou en 1950 e narra as viaxes de  colonización  de Marte, por parte dos terrícolas, entre 1999 e 2026. A novela, lida hoxe, época en que se desenvolvería a súa acción, resulta encantadora pola inocencia coa que pinta as viaxes interplanetarias e a vida en Marte.
  A obra está moi ben escrita, alternando capítulos de fermoso lirismo con outros de áxil estilo narrativo, moi cinematográficos. Pódese desfrutar como obra de puro divertimento, pero tamén como crítica da soberbia do ser humano, que tenta de impor a súa "civilización" mesmo alí onde xa existe outra. É unha obra marabillosa.
                                                                             Susana Piensos.


venres, 7 de setembro de 2018

Un libro cada semana...ou cada mes...Caperucita en Manhattan"



      Nesta noveliña, Carmen Martín Gaite reescribe o conto tradicional dándolle un aire novo: traslada a acción a New York, "bosque" urbano onde Sara, a Caperucita do título, vai encontrando os personaxes que constrúen o argumento da historia tradicional. Están  Mister Wolf, un lobo inofensivo que se dedica á pastelaría, e a avoa, unha antiga cantante  de vida libre e bohemia. Pero, a carón deles, unha personaxe nova, miss Lunatic ( probablemente unha literaturización da figura da propia autora), que vive na Estatua da Liberdade e pasa a ser, avanzada a obra,  coprotagonista xunto con Sara. Sara é unha rapaza intelixente, soñadora, pero, sobretodo, amante da liberdade, que é a mensaxe que transmite este libriño,  cheo de humor, fantasía e alegría de vivir.
                                                                         Susana Piensos. 

luns, 27 de agosto de 2018

Un filme, baseado nun relato, cada semana...ou cada mes..."O curioso caso de Benjamin Button"

 
 




  A película é unha analepse que nos conta a historia dun home o cal nace vello e, en vez de envellecer, rexuvenece. Pásanlle moitas cousas ao longo da súa vida, que non vos vou contar, para que a vexades...
   A película gustoume, é entretida, aínda que ten moito argumento. Brad Pitt interpreta moi ben o papel protagonista, e os efectos de maquillaxe para que pareza cada vez máis novo son moi bos. A conclusión que sacamos é que, ás veces, ir ao revés que todo o mundo é complicado, e que o amor moitas veces é un sentimento moi grande...
   Esta película está baseada nun relato do autor norteamericano Francis Scott Fitzgerald; anos despois, Rafael Dieste escribiu un conto cun argumento similar, "O neno suicida", seguro que o lestes...
  Eu recomendaría o filme, aínda que para tomalo con bastante calma, xa que é longo.
                                                         
                                                                             Luna Vázquez Angulo, 3º ESO V.
 
 
     

luns, 20 de agosto de 2018

Un libro cada semana...ou cada mes..."Mujeres de ciencia"

    Este libro proporcionoume coñecemento sobre algunhas contribucións á ciencia, á enxeñaría e ás matemáticas, levadas a cabo por 50 grandes mulleres. Resultou emocionante ler, por exemplo, a biografía de Marie Curie, primeira muller en obter o Premio Nobel, experta no estudio da radioactividade.
   O mundo, tal como o coñecemos hoxe, debémosllelo, en grande parte, a estas grandes mulleres, grazas ás cales podemos entender mellor as ciencias. O libro resultoume fascinante.
                                                     Freyder Zambrano. 3º ESO V.
                                                           


luns, 13 de agosto de 2018

Un libro cada semana...ou cada mes..."Nunca seré tu héroe"




   A novela trata sobre un adolescente que ao principio saca malas notas e ás veces chega bébedo á casa. O seu mellor amigo é coma el, ou peor, pero despois acaban estudiando. Andrés, que así se chama o protagonista, coñece a Belén e axúdaa nun problema serio; a Belén acaba gustándolle Andrés, pero a este gústalle Sara....
   A historia sitúase na actualidade, e dura algo menos dun curso. Desenvólvese en Madrid, polas rúas, prazas...O personaxes son psicoloxicamente variados; no caso de Andrés, o protagonista, trátase do típico adolescente, moi gracioso, cheo de imaxinación e co don de facer cómics.
  Paréceme un estupendo libro, xa que o ten todo. É entretido, gracioso, realista, transmite moi bos valores e déixate "enganchado" durante toda a historia, e mesmo con ganas de seguir lendo, porque ten final aberto. Na miña opinión, é o mellor libro que lin e recoméndoo moito.
                                                       Jesús Mocerino, 3º ESO V.

i

luns, 6 de agosto de 2018

Un libro cada semana...ou cada mes..."Tres veces tú"

 
 
 
   Pasaron seis anos despois da primeira novela e cambiaron as vidas dos protagonistas. Step, Gym e Baby continúan coas súas historias que se cruzan, cheas de reencontros e cambios. Step, o narrador e protagonista, madurou e sabe controlarse; agora é más serio que antes. Gym é egoísta e caprichosa, algo parecida a Step. Baby é unha rapaza de boa familia, inocente pero decidida...A acción desenvólvese en Roma, na actualidade.
   A novela gustoume, aínda que é un pouco triste. Aínda que é moi longa, é moi bonita. E encantoume o desenlace.
 
                                                      María Gundín , 3º ESO V..

luns, 30 de xullo de 2018

Un libro cada semana...ou cada mes..."Nunca apostes a túa cabeza ao demo"

 
 
 
  Neste conto de Edgar Allan Poe, Toby Dommit, neno desde pequeño maltratado e golpeado pola súa nai, faise cada vez máis malvado, e afecciónase ás apostas...a súa frase especial é "aposto a miña cabeza ao demo"...
  O conto está protagonizado por un personaxe solitario, ao que a súa familia non quería, cunha afección enfermiza polas apostas, até o punto que se cumpriu aquilo que nunca pensou que podería chegar a pasar.
  O conto dá bastante "mal rollo", xa que se apostas algo co demo non cres que pode pasar algo que, en cambio sí chega a suceder...As  nosas palabras teñen poder.
                                              
                                                                        Hanan Elmansouri. 3º ESO V.
  
 
 
  

luns, 23 de xullo de 2018

Un libro cada semana...ou cada mes..."O fantasma de Canterville"




  O libro conta a historia da familia Otis. Os Otis van vivir a unha mansión onde se di que reside un fantasma, o cal é perigoso, segundo comenta a xente. Á familia non lle importa e deciden ir igual; a partir de aí empezan a ocorrer cousas....
   Ao principio, pensei que o libro non me ía gustar pero sí que me gustou, non se "enrolla" nas descricións, cousa que me pon moi nervioso. A historia ten moitos momentos graciosos, por exemplo,cando os dous xemelgos non paran de "vacilar" ao fantasma, ou cando lle din que engraxe as cadeas para non facer ruído...Gustaríame algunha ilustración para facerse unha idea máis clara, por exemplo, dalgún personaxe, pero o libro pareceume divertido e entretido.
                                          
                                               Gabriel Grandío Álvarez. 3º ESO V.

venres, 13 de xullo de 2018

Dúas novelas gráficas cada semana...ou cada mes...María y yo" e "María cumple 20 años"



   Estes dous libros   tratan de María, nena autista que vive coa súa nai e o seu avó en Canarias e pasa as vacacións co seu pai, de Barcelona, que é quen conta e debuxa a historia, autobiográfica.  A María encántalle ver como debuxa seu pai, quen lle vai debuxando á xente para que se lembre de quen son...
A historia está contada polo pai de María, que ten moita paciencia e enténdese moi ben coa súa filla; odia que a xente os mire mal. María vai, segundo pasan os anos, aprendendo a facer máis cousas, e mellor.
  A acción dos dous libros dura desde que María ten doce anos  até que ten vinte; entre ambos, hai un salto temporal de seis anos. A acción desenvólvese en Canarias e Barcelona.
   Comparando os dous libros, o primeiro pareceume moi bo e gustoume moito; o segundo non está mal, pero  paréceme un pouco repetitivo. Gústame moito que trate este tema, o do autismo, xa que me fixo aprender moito sobre el. Ademais, paréceme impresionante a relación de María co seu pai. Canto aos debuxos, parecéronme moi bos e sinxelos.
  Como ao longo do curso tivemos a oportunidade de ver a película baseada na primeira parte do cómic (podedes ver a miña recensión sobre a película no blogue, con data 1 de novembro de 2017), creo que na versión cinematográfica entendemos mellor a psicoloxía de María, énos máis fácil meternos na pel dos protagonistas e a historia resulta máis triste. Porén, no libro a historia está tamén moi ben contada.
                                                     Ismael García Martínez, 3º ESO V.

Nota: Recórdovos que podedes ler os dous libros na biblioteca do instituto.
 
 
 
 
  

luns, 2 de xullo de 2018

Un libro cada semana...ou cada mes..."O asasinato da profesora de Lingua"

 



  O libro trata dunha profesora de Lingua que se propón un falso asasinato para dar unha lección aos seus alumnos, que non len libros e non traballan. Coa complicidade da directora e o xefe de estudos, anuncia que ás oito da tarde matará a alguén da clase, se antes non conseguen resolver oito probas relacionadas coa literatura.
  No libro hai varios personaxes, desde a profesora, sabia e astuta, con paixón polos libros, a varios alumnos, que non temen as difíciles probas, e outros menos valentes...A acción dura un día, e desenvólvese no instituto e nas rúas da cidade.
   Paréceme un libro entretido, polas numerosas probas ás que están sometidos os alumnos, algunhas, mesmo tentas facelas ti, e aprendes cousas que non sabías,  xa que son de literatura. É curioso o título, xa que cres que os alumnos son os que van matar á profesora, e resulta ser ao revés. En resumo, o libro "engancha" porque queres saber o final e ademais, é fácil de ler.
 
                                                                  Jesús Mocerino, 3º ESO V.
   .

martes, 19 de xuño de 2018

Un filme cada semana...ou cada mes..."Sufraxistas"

 
 
  A película conta a historia de Maude Watts, rapaza que traballa nunha lavandaría e que se fai sufraxista para obter máis dereitos. A película fala de como as mulleres de principios do século XX, ás que se negaba o dereito ao voto e outros máis, loitan para cambiar esta situación. Todo contado desde o punto de vista dunha muller casada, cun fillo , e cunha xornada laboral de 12 horas.
   A película é moi boa, xa que nos mostra como vivían antes as mulleres e fainos darnos conta de como avanza o mundo, grazas ao sacrificio destas mulleres. Os personaxes, especialmente a protagonista, gustáronnos moito. Resultounos  un pouco agobiante o vestiario,  imaxinarnos metidas neses corsés...
  Canto a aspectos técnicos, gustounos o uso de filtros e a fotografía en xeral, xa que dá un ambiente frío e triste, pero ao final usan filtros alegres, que transmiten a sensación de que están felices por ter gañado na loita.
 
                              Hanan Elmansouri, María Gundín e Silvia Romero, 3º ESO V:
 
 
 
 
  

Boletín verán 2018

https://drive.google.com/file/d/19GJK_Y0Leeg3-28yHhIS8de1PzSmjANB/view?usp=sharing


Estes son os libros elixidos para o verán 2018. Fai clic na imaxe para velo completo!

xoves, 7 de xuño de 2018

Grandes Expedicións, partindo das cantigas de Santa María

Autoras: Andrea Barreiro e Elena Cotelo.
Autores: Javier Valencia e Antón de Ramos, 2º de bacharelato.
Autoras: Victoria Blanco e Carlota Suárez, 2º de bacharelato, todos eles dirixidos polo profesor Antonio Fondo.

venres, 1 de xuño de 2018

Un filme cada semana...ou cada mes..."Jesus Christ Superstar"




   A película está baseada nunha ópera rock, baseada, á súa vez, no Novo Testamento, e conta os últimos momentos da vida de Xesús, até que é crucificado, dándolles especial protagonismo a Xudas e a María Magdalena. A película foi rodada en 1973, en plena época hippie, e, aínda que é bastante fiel ao texto bíblico,  resultou bastante atrevida naquel momento, provocando polémica pero acadando unha grande popularidade.
  Para algunha  de nós resultou interesante ver esta película, xa que nos aporta información sobre outra relixión distinta da nosa; outros, en cambio, coñeciamos a historia narrada, aínda que nalgúns aspectos nos resultou curiosa, por exemplo, no referido aos sentimentos de María Magdalena, ou o protagonismo concedido a Xudas.    
 No relativo á música, vestiario, interpretacións, etc., a opinión xeral é que nos resulta un pouco  anticuada: no caso do  vestiario, totalmente hippie, houbo división de opinións, así como no referido á música e a coreografía, aínda que a opinión xeral é que non nos entusiasmou que fose totalmente cantada. O que si nos gustou a todos foi a paisaxe,  e a posta de sol final resultou emocionante.
 
                                                         3º ESO V.

Who was... Fernando de Magallanes

Author: Patricia Sánchez, 3º ESO
Author: Patricia 

luns, 14 de maio de 2018