Paxareando por Coruña (7)

Nesta séptima entrega de láminas sobre paxaros feitas por Rodrigo López Pérez, alumno de segundo de bacharelato nocturno, remata o apartado "Saíndo ao campo", para seguir coas auténticas "Forzas aéreas da Natureza". Esperamos que a disfrutedes!

Exposición sobre Leonardo Torres Quevedo

Powered by Issuu

Publish for Free

Agora que xa rematou, publicamos unha recopilación de fotos desta lembranza dun inventor español, moi recoñecido máis aló das nosas fronteiras: D. Leonardo Torres Quevedo. A exposición, desenvolvida polo MUNCYT, estivo varios meses na nosa cidade para dar a coñecer, ou lembrar, a este home singular, que fixo inventos que perduran hasta o noso século.

Un filme cada semana...ou cada mes... "O experimento"

   Comentamos unha película alemá, que vimos en versión orixinal subtitulada, e  vimos tamén o seu "remake" norteamericano. As dúas están baseadas nunha experiencia real, levada a cabo nos Estados Unidos en  1971. Un grupo de homes recibe diñeiro por facerse pasar por gardas e prisioneiros nun cárcere...o experimento acaba índoselles das mans a todos e a violencia resulta, ao final, explosiva...

  A película alemá vai avanzando bastante lenta pero ao final estala a brutalidade, suavizada con algúns momentos de humor; a norteamericana ten máis ritmo pero ao final é menos violenta e máis seria. Resultou interesante ver dúas películas que tratan o mesmo tema, e gustounos a experiencia de escoitar, nunha delas, o idioma orixinal...non é tan difícil seguir unha película con subtítulos... 

  A mensaxe  nas dúas  é a violencia do ser humano en situacións límite.

                                                                                                     3º ESO V.

     

Paxareando por Coruña (6)

 

Como diciamos, chega a sexta entrega desta ampla serie de láminas sobre paxaros da cornisa atlántica feitas por Rodrigo López Pérez, alumno de segundo de bacharelato nocturno. Facendo clic podes velo a toda páxina.

Conferencia sobre Teoría de la Relatividad

O pasado 13 de xaneiro o físico José Edelstein deu unha interesante charla sobre a Teoría da Relatividade. Unha alumna, Carolina Sanmartín Pérez, fixo este resumen a "uña de cabalo" sobre o que dicía o conferenciante. Por cousas do espazo-tempo, o seu traballo quedara sen recoller... pero agora os tempos son chegados e aproveitamos para lembrar o publicado anteriormente:

• Artigo no blog do instituto, con fotos.
• Entrevista a J. Edelstein no Cazatesouros.
• Einstein Theory triumphs.

Os vínculos da literatura galega coa auga e os ríos.

Powered by Issuu

Publish for Free

Powered by Issuu

Publish for Free

Powered by Issuu

Publish for Free

Estes traballos sobre a Literatura Galega feitos por alumnos de segundo de bacharelato foron desenvolvidos dentro do proxecto "Os Ríos, fonte de vida", coa profesora Benigna Vidal Tomé.

Paxareando por Coruña (5)

A quinta entrega das láminas preparadas polo alumno de segundo de bacharelato nocturno Rodrigo López Pérez. Axiña virá a sexta!

Literatura Universal: traballos de alumnos

Estes traballos foron feitos polos alumnos de 1º Bacharelato de Charo Vázquez Mourín:

Para velos, só tes que seleccionar a foto. Se prefires descarregalo en formato epub. aquí están:

• Julio Cortázar
• Walt Whitman
• García Márquez
• Juan L. Ortiz
• Virginia Woolf
• Rimbaud
• Mark Twain

Os ríos: Traballos de Enerxía Hidráulica

Estos traballos foron realizados por alumnado de primeiro de bacharelato dentro da materia de Tecnoloxía Industrial coa profesora Rosa Fernández Salmonte, aproveitando asemade que este curso o tema central da biblioteca son os ríos.

Para ver os traballos a fondo fai clic nas imaxes.

Un filme, baseado nun libro, cada semana...ou cada mes..."A esmorga"

     A película está baseada na obra de Blanco-Amor, que narra a historia de tres amigos, chamados Cibrán, Bocas e Milhomes  nun día de troula que se desenvolve na cidade de Ourense.

      Comeza describindo  unha mañá, de camino ao traballo, na que Cibrán se encontra co Bocas e Milhomes xa bébedos, aos que se xunta e cos que remata deambulando pola  zona na que viven, parando en tabernas, prostíbulos e demais, deixando tras de sí un rego de desfeitas que acaba con eles de maneira tráxica a causa do alcohol.

       Na miña opinión, esta película reflicte moi ben o que se quere transmitir con ese ambiente de tristura dos personaxes, no que se mestura o alcohol, a choiva, a dureza do traballo diario..., manténdose moi fiel á idea que mostra Blanco-Amor na súa obra. En canto ao aspecto audivisual, representa perfectamente ese ambiente escuro da película, coa paisaxe  típica galega, e os locais de alterne nos que se respira a soidade dos personaxes no medio da xente.

   Aínda que se caracterice por ese sentimento de angustia e tristura, como xa dixen, creo que é un filme digno de ver.

                                                                 

                                                Adrián Soutullo Pandelo, 2º B Bacharelato Nocturno.