domingo, 28 de febreiro de 2021

Un filme, baseado nun cómic, cada semana...ou cada mes..."María y yo"


   O filme, documental, trata dunha nena con autismo cuxos pais se decatan da  súa condición  cando ten once meses...a medida que a nena vai crecendo, a autismo nótase máis...Na película, cóntase como cada ano o seu pai a visita en Canarias, onde ela vive coa súa nai, e pasan uns días de vacacións xuntos. O filme mostra como os pais aprenden pouco a pouco a tratar á súa filla e a saber o que lle gusta; seu pai trata de darlle os mellores momentos para que ela estea feliz.

Gustounos ver o amor que teñen os pais pola súa filla, e como buscan unha escola onde poidan axudar a María a potenciar as súas capacidades...aínda que algúns pensamos que podían estimulala máis, e que os pais debían estar xuntos para poder axudala mellor...Certamente, ter un fillo ou unha filla con autismo é todo un reto que non todo o mundo sabería levar tan ben como o fan os protagonistas.

                                                    Alumnado ESA 1, Adultos.

Nota: o cómic sobre o que se basea o documental e a súa continuación, "María cumple 20 años" están á vosa disposición na biblioteca do instituto.
 

Ningún comentario:

Publicar un comentario