UN LIBRO CADA SEMANA
SEMANA DO 23 AO 27
Vou falarvos do que é o meu libro favorito. Caperucita en Manhattan, de Carmen
Martín Gaite. Regaloumo a miña avoa, de aquí de Coruña, polo Nadal. Gustoume
moitísimo, por que? Eu diría que polas emocións que transmite. As veces as
persoas cuestiónanse cousas como a liberdade e cuestiónanse se poden ou non ser
felices... No libro reflexiónase sobre eses temas. Se me preguntas o que penso
eu sobre a felicidade, creo que si, que se pode ser feliz. Trátase de saber
pensar en positivo, pensar que non todo arredor é malo, e que se na vida che
sucede un imprevisto e tes que entrar a valorar o bo e o malo, debes ser capaz
de acabar valorando máis o positivo.
Aprendín con este libro a amar aínda máis a
cidade de Nova York, eu xa levaba un tempo pensando en que me gustaría ir...
Nárranse moitas curiosidades desa cidade, por exemplo, da Estatua da Liberdade.
Agora estou lendo unha versión de Soño dunha noite de verán, e si, teño
pensado seguir lendo a Carmen Martín Gaite.
Julia
Cordonié Amenedo, 1º da ESO D.
Ningún comentario:
Publicar un comentario