UN LIBRO CADA SEMANA (SEMANA DO 22 AO 26 DE SETEMBRO)
Kokoro, palabra
que se pode traducir aproximadamente como "corazón",
"interior", "espírito", "alma"... é o título
dunha das novelas do escritor xaponés Natsume Soseki, un dos máis clásicos entre os autores do Xapón moderno.
A novela narra a
relación entre un xoven estudante e un enigmático home ao que o xoven considera
o seu "sensei" (mestre). Malia ter pouca acción, é unha obra
apaixonante; eu definiríaa como thriller psicolóxico, pois, desde o principio,
a historia do misterioso "sensei "
nos atrapa, até un desenlace dramático que explica todos os porqués que
van xurdindo ao longo da lectura.
É una obra moi
sobria, tanto no estilo, sinxelo e claro, como no que conta, a historia
emocional dos protagonistas, especialmente a de "sensei", e isto, a pesar
do transcendental dos sentimentos narrados. Preséntanos unha sociedade moi diferente da nosa e á vez manifesta a
universalidade das paixóns humanas.
Unha boa maneira de
achegarse a unha literatura non demasiado coñecida aquí. Encantoume.
(Susana Piensos Linares, profesora de Lingua Galega e Literatura do IES 'Eusebio da Guarda')
Ningún comentario:
Publicar un comentario