CONCURSO GAÑAPUNTOS

CONCURSO GAÑAPUNTOS
 Mergullámonos nos libros e bebemos


SEMANA Nº 1

Por segundo ano consecutivo, a Biblioteca do Eusebio da Guarda, da man do Club de Lectura, organiza o Concurso Gañapuntos para todos os alumnos do centro.

PREGUNTA:  Dinos quen foi o autor do seguinte poema, publicado na Coruña en maio de 1931, no xornal ‘A Nosa  Terra’ (3 puntos).

Vente ventiño do Norte

 vente ventiño norteiro

 asubía en meus ouvidos

 a canzón do frío inverno;

 traime lembranzas dos montes

 da branca neve cubertos;

de parte da branca neve

 ven darme xiado beixo

que máis quero aterecer

 ao contaito dos teus beizos,

 que sentil-os agarimos

 de ventos moles tépedos;

 das árbores que apouvigas,

 pra facerte côs brinquedos

 da amarelas follas murchas, 

 trai a min o bruar fero;

 traime os laios musicaes

das xestas e dos piñeiros,

pois quero ouvir da montana

o baril belo concerto;

quero trocar a molice

e dorzura do bon tempo,

pol-as aspras aloumiñas

do barudo e forte inverno;

quero que xunto a min chegues

cantando o canto guerreiro

do Norte e que cheo de azos

amantes o canto meigo

do brando Sul, teu nemigo;

quero verte de min perto;

quero ese teu bruar rouco,

non o carpir silandeiro

e femenido da bris

maina cal chorar de neno.

E pois non quero tenruras

e tua amizade quero

vente ventiño do Norte

vente ventiño norteiro,

vente ventiño do norte,

seral-o meu compañeiro.

:::::::::::::::::::::::::::

Gañadores dos tres primeiros puntos, na primeira semana do concurso Gañapuntos: Alicia Cabana Noguera e Fco. Javier Verdote-Martín Blanco, de 3º da ESO. Entregan a resposta o mércores 17. O autor era, efectivamente, Florencio Delgado Gurriarán.