Relín
recentemente un libro que vos recomendo, un libro moi curioso. É Algo supostamente divertido que
non volverei facer, de David Foster Wallace. É unha obra difícil de
clasificar: trátase dunha reportaxe para unha revista, pero, en mans de
Wallace, tránsformase en algo a medio camiño entre o xornalismo e a literatura.
É a crónica dun cruceiro de luxo polo Caribe que, a través dos ollos do autor
resulta ser unha experiancia esgotadora, contraria ao que se promete desde os
folletos publicitarios e que se irá facendo cada vez máis insoportable até
chegar a presentar o desembarco como unha liberación. É unha obra humorísitca
até o absurdo, cun estilo ás veces prolixo (isto é o que menos me gusta) que
desmitifica as supostas marabillas dos cruceiros paradisíacos e, por extensión,
satiriza o consumismo salvaxe da sociedade estadounidense de finais do século
XX ( o libro é de 1997). Moi recomendable para quen pense embarcarse un destes
veráns…
Susana Piensos, prof. de lingua galega e literatura no IES 'Eusebio da Guarda'.
Ningún comentario:
Publicar un comentario